Search

鄭美能老師教你以故事滋養孩子心靈



這個突如其來的疫情令所有人在生活及心靈上都帶來了影響。成年人內心的不安及恐懼,再加上停課,令父母在照顧孩子方面倍感壓力。孩子在這氣氛之中,需要有一點心靈上的滋養。因此,華德褔幼兒


為因為疫情而要停課的孩子,創作了一個故事,並分享給大家。無論是老師或父母,都可以運用故事的力量,借助當中的隱喻讓孩子“消化”現在面對的生活情況。


[ 小蜜蜂去花園 ]


作者: 鄭美能 Pinky Cheng


喺好耐好耐以前,有一群小蜜蜂佢哋好鍾意每一日都離開佢哋個蜂巢然後就一齊飛去農場隔離個花園嗰度採花蜜。


呢個花園好靚㗎,有好多唔同顏色嘅花,佢哋一邊喺度收集美味嘅花蜜,一邊喺度唱歌跳舞,有時有仲同埋其他朋友一齊玩遊戲,所以佢哋每一日都過得好開心。


不過有一日,當佢哋準備出發想去呢個花園嘅時候,有一隻大嘅蜜蜂哥哥就嚟同佢講:

"我哋暫時唔可以去花園果道玩同埋採花蜜啊"

其他小蜜蜂都覺得好奇怪,佢哋問呢個蜜蜂哥哥:

"點解"呀?


蜜蜂哥哥話:

"花園外面最近生咗好多有刺嘅草啊,如果我哋飛過去,經過啲草堆嘅時候一定會比啲有刺嘅草刺傷㗎。所以我哋唔可以去花園住啦,希望農夫盡快幫忙將所有有刺嘅草清除,之後我哋先至再去嗰度玩啦"

於是,所有蜜蜂仔佢哋都留咗係屋企附近嗰度玩同埋採花蜜,不過佢哋其實好想快啲可以返去農場隔離個花園度玩,好想見返其他好朋友㗎!



過咗冇幾耐,有一個朝早,蜜蜂哥哥終於返嚟同佢哋講話:



"好消息呀!好消息呀!我哋可以出返去花園嗰邊玩呀,農夫已經將嗰啲有刺嘅草清除曬,我哋唔會比啲有刺嘅草刺傷㗎喇!"


所有小蜜蜂聽到都好開心,於是佢哋就一齊再次飛過去農場隔離個花園度玩同埋採花蜜。呢個花園真係好靚,而且仲有好多唔同顏色嘅花。


之後嘅每一日,每隻小蜜蜂都喺花園度搵到好多好好味嘅花蜜,而且仲同所有嘅朋友喺埋一齊玩得好開心。


無論是老師或父母,都可以運用故事的力量,借助當中的隱喻讓孩子“消化”現在面對的生活情況。

關於作者:

Pinky在10年前成為華德福幼稚園老師,隨後開展了不同工作,包括創辦春苗Spring Child,提供幼兒及家長教育。之後成立的香港華德福教育培訓中心,推動專業教師培訓,並擔任課程導師。她現時是中國華德福幼兒教育論壇(CECEF)的香港區代表。

79 views
  • Grey Facebook Icon

© Copyright 2016

by Hong Kong Waldorf Education Training Centre

Contact Us

What's app: 852-9669 1621

Tel: 852-3686 0136

Email: info@waldorfetc.com

Address

G/F 29 Homantin Street Homantin, Kowloon

Hong Kong